Sztyrech na sztyrech. Ślōnzoki w kōmplecie awansowali do 1/8 finału Ligi Europy. Cuzamyn do kupy we wszyjskich nij wcześniejszych sześciu edycjach w telkij fazie ni mieli my tela reprezyntantōw co yno latoś. Bohatyrym ôstatnij serii szpilōw jes Arek Milik. Yno te puste zielōne stołki jakoś niy chciały klackać po jego trzecij bramie klupniyntej Legii…

Trza pedzieć, że doping w Warszawie bōł tym razym idyalny. Bez haji, kulturalnie. Yno fala meksykańsko za pierōna niy chciała zaskoczyć… Gorzij na boisku. Frank De Boer bōł forgot zaskoczōny, że gospodorze bierōm se szpil tak po lekku. Milik z kamratami już w piyrszej połowie rozłōnaczyli Legia tak, że drugo była już yno tryningowōm gierkōm w dziada. W nastympnej rundzie Ajax moge mieć już ciynżyj. Rywalym Dnipro Dniepropietrowsk.

Awans świyntuje tyż Kamil Glik i jego Torino. Piykno rywalizacjo z Baskami skōńczyła sie historycznym sukcesym. Drużyna, kiero do Ligi Europy wlazła trocha bez cufal, bo skuli problymōw licyncyjnych Parmy, moge tamek jeszcze nafyrlać. W niedziela udowodniyli to ligowōm wygranōm 1:0 z inkszym aktualnym uczestnikiym LE, Napoli. W hefcie syndzigo przi placu na zdobywcōw goli jedyne nazwisko tego dnia to Glik… Niych yno Kamil trzimie forma na Zenit Sankt Petersburg!

W 1/8 aż piynć ekip z Serie A, tōż kiereś musiały sie cylnōnć. Włoski derby zagrajōm Fiorentina i Roma Łukasza Skorupskigo. Nasz torman pokozoł klasa w obu szpilach z Feyeenordym, beztōż chytać bydzie dalij. Na szansa w Pucharach sztyjc czeko za to Łukasz Podolski. Jego Inter niy bez problymōw wyciepoł z rozgrywek Celtic, a teroski zagro w szlagrze z Wolfsburgiym.

Mono cylnōm sie jacy dwaj nasi chopcy w warszawskim finale? Zdałoby sie, bo w Lidze Majstrōw to już niymożliwe. Naszego ôstatnigo reprezyntanta tamek czeko niestety tera jakiś 6 tydni rewiyru. Łukasz Piszczek zagro nojpryndzyj w szwierćfinale. Przody jednak Borussia musiałaby wyeliminować Juve.

Komentarze (3):

  1. Avatar
    Obik

    Kiedy w końcu zamiast pisać o pierdołach rozliczysz się z mafią która sport miała w życi.
    Chodzi mi o tę całą bandę z lat 80 i 90 która sport sprowadziła do mian przekupnego biznesu.
    To właśnie śląsk i tutejsze środowisko sprokurowało tą patologię. I może czas o tym napisać.

      1. Avatar
        Obik

        Witam Panie Grzegorzu. Przepraszam jeśli mój wpis był nieadekwatny. Serce kibica czasem jest złym doradcą, choć te wszystkie zdarzenia z przeszłości mocno zraziły mnie do tego sportu i stąd ta reakcja (byłem zapalonym kibicem w latach 90’tych). Doceniam to co Pan robi. I widzę, że jest Pan prawdziwym pasjonatem. Życzę powodzenia w pisaniu o teraźniejszości.

        Pozdrawiam

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *

Time limit is exhausted. Please reload the CAPTCHA.

*