Archiwa tagu: relacja live

To by było tela na dzisio Zaproszōm na nastympny Szpil Miesiōnca w grudniu. Dejcie tyż pozōr na nowe felietōny na Ślōnskim Fusbalu. Tera krōtko przerwa. Nojbliższy tekst pokoże sie w pyndziałek, 7 grudnia.

Nastympnōm ekipa, kero spróbuje zatrzimać rozfechtowanych Gliwiczokōw to Górnik Zabrze. Zaś derby…

Ruch, kery w ostatnich szpilach groł doprowdy dobrze, dzisio bōł tak rychtyk bez szans. Waldi Fornalik niy znoloz knifu na lidera. Kōńczy sie serio 5 szpilōw bez porażki.

Trza ofyn prziznać, że Piast bōł bez godki drużynōm lepszōm. Pewnie ze zadku i skutecznie z przodku.

Bezpieczno przewoga Piasta wartko niy stopnieje

90+2 min. – Wolny do Piasta, ale cyntry ani szlagu już niy bydzie. Kōniec.

90 min. – Syndzia dociepuje 2 minuty

89 min. – Piast jeszcze szuko czwortej bramy. Szlag za szlagiym.

88 min. – Nic już samek niy zmiyni tego faktu. Piast z trzema punktami.

86 min. – Zmiana w Piaście. Zmiana w Ruchu. Na boisku Angielski i Włodyka. Pocho sie tera na boisku a pocho.

Wloz i posprzōntoł. Zaś tyn sōm schymat. długi bal, zgrani, szlag. Fusbal to jednak prosto gra.

85 min.- Gerard Badia i 3:0!

84 min. – Zamloło sie pod bramōm Piasta! Brakło yno szlagu.

83 min. – Złazi Szeligo. Jakiś 10 minut potyro Badia

82 min. – Ale laga! Brama Piasta już bōła pusto! W ostatnim mōmyncie gra przerywo obrōńca.

80 min. – Szczylo Mazek. Torman niy śpi.

79 min. – Tera wiyncyj placu z przodku mo Ruch, ale obrona Piasta sztyjc bezbłyndno. Niebiescy niy poradzōm znolyź na nich żodnego knifu…

78 min. – Ała! Podgórski wyciōn rywala rowno z zolym. Karteczka.

77 min. – Tympo szpilu choby lekko przisztopowało

76 min. – Rynka i wolny do Piasta

73 min.- Barisić a Zieńczuk już cisnōm sie kōmpać. 2 zmiany oroz. Na boisku Mokwa i Efir

72 min. – Piast. Tiki-taka pod bramōm Ruchu. Fest kopniynty bal wzdłuż bramy. Niy było kōmu to zawrzeć…

70 min. – Ruch z wolnego… Ruch z roga… Sztyjc klupiōm gowōm w mur.

69 min. – Fechtnōł sie tera po prawej Ruch. Stępiński jednak niy poradzioł se z trzema defynsorami.

68 min. – Z rogu próbowoł odpedzieć Piast. Ale specjalnie ni ma o czym godać…

66 min. – Zaś próbowoł Mazek. Wartko podskoczyło do niego sztyrech obrōńcōw.

64 min. – Z roga Ruch. Kepka! Cyntymetry od prawego słupka. Zieńczuk sztyjc bez bramy.

63 min. – Piast szporuje siyły. Ni ma już telkij agresji w pressingu.

61 min. – Zdo sie, że ofynsywa gości coś sie spamiyntała. Lagōw sztyjc brakuje ale bal coroz lepij kulo sie od fusbaloka do fusbaloka.

59 min. – Pewnie chyto cyntra Putnocky i wartko zaczyno kōntra.

58 min. – Próbowoł zafyrlać pod bramkōm Piasta Stępiński… Darymny futer. Od bramy torman.

57 min. – Szpetnie, szpetnie. nakłodka Vacka. Zaczyno Ruch

55 min. – Żōłto kartka do Heberta. Bezmała za faul…

54 min. – King Bruce Lee. Stępiński próbowoł jakijś ciekawej zorty szkopyrtki… Bal furgnie Pōnbōczkowi w okno…

53 min. – Mono tera?! Mazek przebojym przecis sie miyndzy obrōńcami… Yno rōg

51 min. – W kōńcu Niebiescy pogrywajōm na połowie Piasta, a niy yno szukajōm bala.

50 min. – Szlag czy cyntra? Po zagraniu Koja bal na ausie…

48 min. – Bal miōd-malina do Szeligi! Mōg z tym jeszcze pociōngnōnć… Szlag w bramkorza

47 min. – Zdo sie, że scynariusz szpilu sie niy zmiyni. Piast mo fol placu na rozgrywani bala.

46. min. – Już piyrszo laga Piasta. Wykōńczyni jednak bez szału…

46 min. – Nazot na boisku. W Ruchu piyrszo zmiana. Podgórski za Gigołajewa.

Piast je bardzij aktywny przi odbiyraniu bala. Ruch zostawio gospodorzōm dużo wiyncyj placu.

Jedyne lagi Ruchu to szlagi z daleka Zieńczuka i Stępińskigo. Wiela niy brakło, ale telki próby to moge być dzisio za mało coby zdobyć chocioż jedyn punkt.

Bez godki lepszōm ekipōm gospodorze. Pora fajnych lagōw było. Ruch porzōndnej okazji na wrażyni bala do neca jeszcze tak rychtyk ni mioł.

45 min. – W kartkach już 2:2 i wiyncyj w tej połowie juz niy bydzie. Idymy do szatni synki…

45 min. – W kōńcu szarpnōł Ruch. Fajnie wleźli w szesnostka. Ostatni padani jednak niy doszło tam kaj miało.

44 min – Krōtko rozegrany wolny. Obrōna Ruchu wartko sie w tym pochytała.

43 min. – I nastympno kartka. Tym razym do gości. Grodzicki.

42 min. – Szpetnio wloz Murawski. Drugo kartka zbiyro Piast.

40 min. – Bal na „długim” słupku trefiōł do Maka. Szlag w trybuny…

39 min. – Zdo sie że Piast durś kōntroluje wszyjsko co robi sie dzisio na ich placu.

Barisić dostoł geszynk od obrōńcy. Bōł na spolōnym, ale bal odbiōł sie od rywala beztōż o ofsajdzie ni moge być godki. Grocz Piasta pokōnuje tormana z odlygłości trzech metrōw.

37 min. – 2:0!

36 min. – Mōndrze doł sie obalić Szyndrowski. Wolny do Ruchu.

35. – Długim balym uruchōmiōne prawe skrzidło gospodorzy. Bal jednak warciejszy od skrzidłowego.

33 min. – Mazek kōntra trzech obrōńcōw! Niystety wszyjskich oroz niy ofōmluje.

32 min. – Terozki Ruch z ausu. Bydzie szansa po leku wykludzić jaki atak.

31 min. – Sztyjc atakuje Piast

30 min. – Zaś długo cyntra zadkiym do bramy chce szczylać Szeliga, ale cudōw niy popochoł. Wele słupka.

27 min – Wartko odpedzieć chcioł Ruch. Przody niywykorzystany rōg. Niyskorzij z dystansu próbuje Zieńczuk. Nic z tego…

W powtórce zdo sie, że mōg to być samobój…

Cyntra na piōnty meter i bramkorz bōł bez godki!

26 min. – BRAMA! 1:0 do Piasta. Nespor!

25 min – Dychli kibice Piasta. Bal furgnōł praje w sōm winkel…

24 min. – Żōłto kartka do Koruna. Faul taktyczny. 26 metrōw do bramy…

23 min. – Fajnie poklepoł Piast, ale niyskorzij strata i po ptokach…

22 min. – Piyknie zgrany bal kepkōm do Maka! Szlag gynał w rynce tormana…

21 min. – Darymno cyntra. Ruch robi wyjazd…

20 min. – Bydzie rōg do Piasta

19 min. – Stępiński! Szlag z 30 metrōw. Klasa! Ale słupek miniynty…

17 min. – Ni ma bramy. Długo cyntra na piōnty meter. Syndzia spolōnego niy ujrzoł, ale na szczynści do Ruchu. Nespor przeniōs bal nad latōm!

17 min.- Faul do Ruchu. Idzie chwila dychnōnć. Tympo na dyć niynojgorsze.

16 min. – Fechtła sie przed chwilōm kōntra Ruchu. Była przewoga, ale skasowali to obrōńcy.

15 min. – Zawarty tera Ruch na 30 metrze od swojij bramy

13 min. – Barisic chcioł tera puścić czeskōm uliczkōm partnera, ale tyn sie w tym niy pochytoł.

– 11 min. – Terozki strata niebieskich, ale hneda faulowany Grodzicki i Ruch mo nazot bal

10 min. – Szeliga zmaściōł cyntra. Zaś od bramy Ruch.

9 min. – Forgot wysokim presingiym gro Piast. Nawet torman Rucha ni mo wiela czasu coby opanować bal.

8 min. – Na razie dłużij przi balu Piast…

7 min. – Pewnie w obrōnie Ruch. Próbujōm wylyź z kōntrōm, ale chyba nic z tego niy bydzie.

6 min – W spolōnych rymis. Tera na ofsajdowe paści doł sie chycić Barisić.

5 min. – Grocz Piasta prziaktorzōł. Gra kulo sie dalij.

3. min. – Na zolu Nespor! Bydzie elwer?

2. min – Piyszy ofsajd Ruchu. Zaczyno Piast.

1.min. – Zaczōn Piast

Fusbaliści gynał sie witajōm. Ruch w nowych, ślōnskich, żōłto-niebieskich strojach. Piast tradycyjnie na czerwōno-niebiesko.

Piast mo za to problymy w defynsywie. Na rewiyrze dzisio Kornel Osyra.

Waldi Fornalik ni moge dzisio liczyć na Patryka Lipskigo, pierōnym ważno postać w jego ofynsywie. Piastunki i tak muszōm dać fest pozōr w obrōnie. Trza na dyć uwachować jednego z nojlepszych snajperōw ekstraklasy, Stępińskigo.

Już terozki dziwōmy sie na składy:

Piast: Szmatuła – Pietrowski, Korun, Hebert, Mraz – Vacek, Murawski, Mak, Szeliga – Barisić, Nespor.
Ruch: Putnocky – Szyndrowski, Grodzicki, Cichocki, Koj – Mazek, Surma, Iwański, Gigołajew, Zieńczuk – Stępiński.

Yno 15 minut do piyrszego gwizdka. Piast – Ruch już za chwila. Dejcie Pozōr!

Źle sie pokuloł tyn szpil do przijezdnych. Od piyrszej minuty trza było gōnić wynik. Przi umiyjyntnie cofniyntym Piaście i darymnej skutyczności wicelidera tabeli inkszy wynik jak zwyciynstwo gospodorzy ni mōg być tukej możliwy.

Piast wygrywo z Górnikiym po roz piyrszy odkōnd zameldowoł sie nazot w Ekstraklasie. Przerwoł passa trzech przegranych szpilōw z rzyndu.

90+5 min. – Z ciekawszych rzeczy zapisać trza jeszcze drugo żōłto i czerwōno kartka do Bartosza Iwana i Górnik kōńczy w 10.

90+5 min. – Jeszcze na zolu Murawski. Piast już ni może tukej stracic punktōw.

90+4 min. – Od bramki Trela. Bal furgnie już fōrt na połowa Górnika.

90+3 min. – Piast gro tera coroz czynścij w zapasy…

90+1 min. – Niy poradziōł dogōnić przeciwnika nogami, dogōniōł rynkami. Zasłużōno żōłto kartka do Matrasa.

90+1 min. – Złazi bohatyr 53. sekundy, Ruben Jurado. Na boisku Wojciech Kędziora.

89 min. – Nakoulma tera w kōńcu fajnie wjechoł szesnostka, położōł se na zolu obrōńcy. Bala jednak niy opanowoł.

88 min. – Kiery to już faul Piasta. Grubiorze próbujōm popilowac z grōm. Piast jednak dzisio mōndrze sie brōni.

86 min. – Nakoulmie niy idzie – Górnikowy niy idzie. Jak sie mo taki lagi i  sie niy szczylo to ciynżko myśleć o punktach.

84 min. – Jako laga Nakoulmy! Tela placu… tela czasu… A Prezes trefio w tormana. Dobitka do pustej blokujōm obrōńcy.

83 min. – Bramkowo serio Zachary przerwano. Dzisio już nic niy klupnie. Za niego na boisko na ostatni minut leci poszarpać Oziębała.

82 min. – Urywajōm sekundy kaj yno sie do gospodorze. To może nerwować synkōw z Zabrzo.

80 min. – Prostopadły bal do Podgórskigo… Torman przitulōł go warcij.

79 min. – Z roga Piast. Głōwka Zbozienie ni mōgła samek nic zdziałać.

78 min. – Niy doł sie tera chyciś w paści ofsajdowe Jurado. Mōgło być groźnie, ale Hiszpan przihamowoł i było ,,po ptokach”, ale ōni już gola niy potrzebujōm.

77 min. – Doł sie obalić Podgórski, a sekundy lecōm…

76 min. – Śloz aktywny dziso Madej. Na placy gry jes już Mosznikov

75 min. – Próbuje Górnik ,,klepać” pod bramkōm gospodorze, ale jes tamek sztyjc za ciasno. Nic nowego…

74 min. – Za piyknego fusbalu Piast dzisio niy gro, ale trza pedzieć, że sōm pierōnym skuteczni tak z przodku jak ze zadku.

73 min. – Defynsywa Piasta zaś wyprzedzo napadziorōw w szesnostce.

72 min. – Torman Piasta sztyjc leży na murawie po tej sytuacji. Chyba źle stōmpnōł, abo chyciōł go jakiś skurcz. Masażyści już w akcji…

70 min. – Zaś cyntra z wolnego Małkowskigo. Kiery już roz oglōndōmy w tyn szpil tyn obrozek? …Darymny futer. Za głymboko wciepany bal chyto Trela.

69 min. – Prezes straciōł bal w ataku. To bez godki ni ma jego szpil…

67 min. – Widzymy statystyka fauli. 14 razy faulowoł Piast, yno 6 razy Górnik. To tyż coś godo o tym szpilu. Piast sie brōni. Górnik klupie jednak głowōm w mur.

65 min. – Trzimoł przeciwnika Wełnicki, bez co zatrzimoł cołko akcjo gospodorzy i za chwila obejrzoł żōłto kartka.

64 min. – Sytuacyjny bal do Piasta. Steinbors bōł daleko za 11 metrym. Szlag sprzed bramy wybijo, kieryś z obrōńcōw.

63 min. – Z boiska śloz gyna Wilczek zdobywca drugigo gola i asystynt przi piyrszym.

62 min. – Małkowski technicznie pocylowoł z wolnego w sōm winkel bramki, ale dobrze ustawiōny Trela ni mioł z tym żodnych problymōw.

60 min. – Po wymiyniyniu poru podać wzdłuż szesnostki gospodorzy, Olkowski oddowo piykny szlag po zolu. Trela jednak niy drzymie, wybijo nogōm.

58 min. – Ciynżko tera pedzieć czy Górnik poradzi dzisio odmiyni losy tego szpilu tak jak udało im sie to choby w spotkaniu z Śląskiym Wrocław. Zdo sie, że dzisio czegoś im brakuje.

Bal wciepany z ausu fōrt pod brama Górnika odbijo sie jeszcze od zola. Ani torman ani obrōna niy poradzi tego wyjaśnić, beztōż może tamek wrazić głowa grocz Piasta. Bal odbijo sie od laty i minimalnie przekraczo piska bramkowo.

55 min. – Wilczek na 2:0!

54 min. – Tera dobre dograni Wilczka przeciōn Klepczyński, kieby nie jego wślizg przeciwnik miołby seta.

52 min. – Na spolōnym Podgórski. Kopnōł jeszcze chyba bal po gwizdku. Tym razym syndzia jednak doł mu jeszcze pokój.

51 min. – Podgórski szczasnoł sie z rywalym, skuli czego mielimy krōtko przerwa w grze.

50 min. – Na spolōnym chycōny Zachara.

48 min. – Iwan obalōł sie jak paniczka i arbiter ,,nagrodziōł” go za to geszynkiym w postaci żōłtej kartki za symulowani.

47 min. – I mōmy piyrszo tako kōntra. Szlag Jurado nogami odbijo Steinbors. Jeszcze lepszo laga mioł tyn kiery dobijoł. Bal za bramkōm.

46 min. – Od piyrszej minuty drugij połowy widać jak ta gra bydzie tera wyglōndać. Górnik wysoko, Piast czeko na jakiś ausdruk rywali i wartko kōntra.

46 min. – Już sōm my nazot. Zaczynajōm goście w biołych strojach.

Posiadani bala ewidyntnie do Grubiorzy, ale synki z Zabrzo, chocioż przekludziyli pora ciekawych akcji, to ani razu nie trefiyli w światło bramki Treli. Czekōmy na drugo połowa…

45 + 3 min. – Już chyba nic niy wymyśli w tej połowie Górnik… Kōniec.

45 + 1 min. – Gryfny prostopadły bal. Wartko akcjo Górnika zakōńczōno majtniynciym sie Prezesa. To była ,,seta”! Obrōna w kōńcu rozmōntowano, ale dalij bramy ni ma.

45 min. – Obrōna Górnika tera stoi już na połowie Piasta. Fest wysoko, ale pod bramkōm Piasta beztōż tyż coroz bardzij ciasno.

44 min. – Dobrze wachowany dzisio Nakoulma. Synki z Gliwic praktycznie odcinajōm go od wszyjskich podań.

42 min. – Pora strat i odbiorōw w środku pola. Jedni i drudzy wysoko idōm na presa.

41 min. – Na zolu leży tera Wilczek. Coś napochoł przi walce w lufcie o bal. Chyba nadzioł sie na łokieć Szeweluchina.

39 min. – Nakoulma do Madeja. Tyn złazi do środka szesnostki. Zdowało sie, że oddowo szlag, ale ōn sztyj podciōngoł do przodku. Ostatecznie zablokowany, ale to mōgło sie podobać.

38 min. – Prziblokowoł i odkludziōł bal na aus defynsor Piasta. Górnik mo biyda sie przeciś

36 min. – Wartko teroski akcje przenoszōm sie z jednej na drugo strōna. Tympo szpilu ponadprzeciyntne jak na polsko Ekstraklasa.

35 min. – O rogu już niy pamiyntōmy. Atakuje Górnik.

34 min. – Dobrze z 20 metra sieknōł Murawski. Steinbors wybijo na rōg…

33 min. – Zawart w szesnostce Piast. Górnik sztyjc niy poradzi sam nic wymyślić.

32 min. – … Jurado odbiōł sie od Olkowskigo jak ping-pōng. Po kōntrze.

32 min. – Nastympny niywykorzystany rōg Górnika. Idzie kōntra…

30 min. – Szlag Wilczka po kierym bal polecioł Pōnbōczkowi w okno. Chyba wyżyj niż dalij. Tyn synek bez godki zrobiōłby kariera w fusbalu hamerykańskim!

28 min. – Bōmba w lata! Bramka Steinborsa aż sie zatelepała. Pōł drużyny Piasta jednak ewidyntnie zostałe chycōne teroski na spolōny

28 min. – Za głymboko cyntra Klepczyńskigo, chocioż bydzie rōg do Piasta

26 min. – Żōłto kartka zgarnōł Zbozień za ,,przitulani sie” do rozfechtowanego Prezesa

26 min. – Dużo placu mioł tera Piast na prawym skrzidle. Obrōna przeczytała jednak zagrani do środka.

25 min. – Nastympny wolny zza szesnostki, ale darymnie wykōnany i z kōntrōm cisnōm Piastunki.

24 min. – Zaś faul, zaś ze swojij połowy akcjo wykludzo Górnik.

23 min. – Bal już sie kulo po krōtkij przerwie kej leżoł na murawie jedyn z groczy gospodorzy.

21 min. – Pora razy goście chcieli głymboku wlyź w szesnostka bez długi wciepniynci bala z autu, ale bezpiecznie ,,na wyjazd” pograła defynsywa Piasta.

20 min. – Szlag z dystansu Murawskigo pewnie chyto torman Grubiorzy.

20 min. – Kości szczyrkajōm. Rywale niy szanujōm se szłapōw…

18 min. – Mōmy piyrszo karteczka. Spamiyntany przez arbitra Przybylski.

18 min. – Bal bez cufal trafiōł tera do Jurado. Hiszpan bez zastanowiynio klupnōł na brama, ale tyn szlag poprawi yno statystyki.

17 min. – Lekki miszōng pod bramkōm Piasta po cyntrze z wolnego, ale nic z tego ni ma.

16 min. – Krōtko z roga Małkowski i strata, ale zaroski mōmy ostry faul Podgórskigo i bal nazot trefio do gości.

15 min. – Wymuszōno zmiana w ekipie Piasta. Na boisku już Klepczyński za Króla.

14 min. – Cyntymetry! Mały kōnsek brakło a po zagraniu Madeja do środka, kieryś z jego kamratōw wraziōłby bal do siatki nogōm.

13 min. – Piyrszo dobro okazjo Górnika. Wywalczyli rōg

11 min. – Pierōnym niydokładnie gro na razie Górnik. Taktyka granio długich bali ,,kopnij a leć” niy wróży samek nic dobrego, akle to dopiyro poczōntek

9 min. – Zafyrloł tamek na prawym skrzidle Izvolt i zdało sie, że wywalczōł rōg, ale syndzia pokozoł, że od bramki zacznie Górnik.

8 min. – Coroz wyżyj podchodzi Górnik, ale akcje z przodku jeszcze sie niy klejōm.

7 min. – Tera Górnik próbuje uspokoić. Bierōm se to po leku. Chcōm wciōngnōnć gospodorzy na swojo połowa i wykludzić jakiś atak pozycyjny.

5 min. – Obejrzymy jak w długszej perspektywie podziało ta wartko brama na gości. Czy i kiedy sie spamiyntajōm…

4 min. – Piast dostoł szwōng. Górnik sztyjc niy wiy co sie robi…

Ewidyntnie przidrzymali tukej grubiorze. Do długigo bala za obrōńcōw dopod rozfechtowany Ruben Jurado i bez litości z zimno krwiōm pokōnoł Steinborsa.

1 min. – Brama! Wartki szpil. 1:0 do Piasta!

1 min. – Piyrszy gwizdek Pawła Pskita i jadymy…

 

 

A aktorami tego miyjmy nadziejo dobrego widowiska bydom dzisiej:

Piast: Dariusz Trela, Damian Zbozień, Csaba Horvath, Jan Polak, Krzysztof Król, Matej Izvolt, Mateusz Matras, Radosław Murawski, Tomasz Podgórski, Kamil Wilczek, Ruben Jurado

Górnik: Pavels Steinbors, Paweł Olkowski, Tomasz Wełnicki, Oleksandr Szeweluchin, Maciej Małkowski, Prejuce Nakoulma, Krzysztof Mączyński, Mariusz Przybylski, Bartosz Iwan, Łukasz Madej, Mateusz Zachara

Wicelider z Zabrzo kludzōny przez nowego trynera, Ryszarda Wieczorka przijyżdżo do sōmsiodōw z Gliwic po 3 punkty. To ōni sōm samek faworytym, ale trza pamiyntać, że Piast ostatnio tyż nieźle trzasko punkty (7 w ostatnich trzech szpilach).

Jeszcze 10 minut i na plac gry w Gliwicach wylecōm fusbaliści Piasta i Górnika, reprezyntanci klubōw, kierych kibice ,,niy za fest se przajōm”…

,,W nastympnym odcinku serialu o pogōni ,,Grubiorzy” z Zabrzo za warszawskimi ,,Wojokami” Legii rozfechtowani po zwycynstwie z Podbeskidziym fusbaliści 14-krotnego majstra Polski przijyżdżajōm do Gliwic. Tyn plac niy bydzie łatwym przistankiym na drōdze Górnika…”

Obejrzymy jak w długszej perspektywie podziało ta wartko brama na gości. Czy i kiedy sie spamiyntajōm…

W nastympnym odcinku serialu o pogōni ,,Grubiorzy” z Zabrzo za warszawskimi ,,Wojokami” Legii rozfechtowani po zwycynstwie z Podbeskidziym fusbaliści 14-krotnego majstra Polski przijyżdżajōm do Gliwic. Tyn plac niy bydzie łatwym przistankiym na drōdze Górnika…

Jak to w derbowym szpilu na boisku i poza nim bydzie gorko. Trza mieć yno nadziejo, że ciynko granica pomiyndzy szportowōm rywalizacjōm, a regularnōm hajōm niy zostanie przekroczōno na murawie, ani tym bardzij na trybunach.

Ciynżko pedzieć czy synki z Gliwic poradzōm chycić sie na wiosna do grupy mistrzowskij. Na razie sōm cołki czos na pograniczu, beztōż kożdy punkt może samek zadecydować o tym o co tak rychtyk przidzie im na kōniec sezōnu grać. Na razie Piast naszporowoł 22 punkty (o 12 mynij od sōmsiodōw z Zabrzo) i zajmuje 10. pozycjo w tabeli.

W Górniku żodyn o grupie spadkowej już raczyj niy myśli. Tera trza walczyć o wiyrchy tabeli. A o tym, że Grubiorze walczyć poradzōm, nawet w kryzysowych sytuacjach, niy trza już chyba żodnego przekōnywać. Na dyć od poczōntku sezōnu Górnik straciōł już dwa pierōnym ważne punkty ekipy. Dwóch Adamōw, dwie gowy drużyny, Hanys i Krakus. Piyrszy to kōntuzjowany kapitan Adam Danch, drugi świyżo upieczōny selekcjōner kadry Adam Nawałka. Bez nich punkty jednak tyż do sie zdobywać. Plac wicelidera tabeli i ostatni wyniki godajōm same za sia.

Na sobotnio relacjo z derbowego szpilu Piast – Górnik zaproszōm jak zawsze już pora minut przed piyrszym gwizdkiym, kiery mōmy bezmała usłuszeć o godzinie 6 we wieczōr (18:00).

Nazwa Górnika Zabrze przewijo sie ostatnio w rozmańtej zorty mediach sztyjc i bez przerwy. Toć, że wiyncyj jak o szportowych wyczynach ślōnskich fusbalistōw godo sie teroski o ich trynerze Adamie Nawałce, ale durś z luftu tyn jego awans na selekcjōnera tyż sie na dyć niy wziōn.

Ta nōminacjo przeca ni ma yno efektym tego że panowie Zibi i Adaś sōm dobrymi kamratami. Nawałka jak na polskigo trynera mo CV ,,miōd-malina”. Trza jednak ofyn pedzieć, że ostatni ligowe wyniki Górnika tyż musiały dać mu lekki fory w wyścigu na ławka trynersko, na kiero kożdy chciołby sie wciś i z kierej kożdy ostatnimi czasy ostatecznie sfurgo z płaczym.

Nawałka żegno sie z Zabrzym, ale mono bydzie mōg jeszcze (to sztyjc niypotwierdzōno informacjo) pokludzić fusbalistōw 14-krotnego majstra Polski w poru ostatnich szpilach tego sezōnu.

Nojbliższy ś nich bydymy mōgli oglōndać już w niedziela i niy bydzie to spotkani jakijś gorszej zorty. Forgot czeko nos szlagier kolejki, w kierym wicelider z Zabrzo bydzie chcioł prziwiyź punkty, z placu kaj zawsze jes ō ni pierōnym ciynżko. Szōsty na razie w tabeli Lech Poznań, po rymisie z Legiōm, bydzie na pewno tym razym liczōł na kōmplet punktōw u sia.

Ślōnsko relacjo minuta po minucie z tego szpilu zacznymy chwila przed godzinōm 6 we wieczōr (18:00). Dejcie pozōr!

Zaproszōm na nastympne ślōnski relacje na żywo. Bele yno z lepszym zakōńczyniym…

Niystety. Statystyki z drugij czynści szpilu ofyn godajōm kto samek mioł wiyncyj do godki. Szkoda jednak tych bramek. Górnik bōł blisko, chocioż tego jednego punktu, ale z drugij strōny mōg stracić nawet pora bramek wiyncyj.

Po ptokach. Darymnie to wyglōndało w drugij połowie. Górnik przegrywo piyrszy szpil w sezōnie.

90+3 min. – Jeszcze kartka do Kosznika. Musi poleżeć chwila na zolu Legionista.

90+1 min. – Szpetny faul Vrdoljaka i kartka.

90 min. – 3 minuty doliczōnego czasu…

90 min. – Legia utrzimuje bal daleko od swojij bramki.

88 min. – Wartko mōg odpedzieć Górnik. Atakowany Nakoulma kopnōł wysoko do luftu z wysokości 11 metra!

Vrdoljak trefio w lata a bal spaduje gynał pod nogi Jodłowca. Jes brama.

86 min. – Brama do Legii! Pierōnowy cufal i 2:1!

85 min. – Rōg do Legii

84 min. – Cyntymetry brakły coby Radović przelobowoł Steinborsa!

83 min. – Fol walki w środku pola. Obie ekipy chcōm trzech punktōw.

81 min. – W kōncu gra sie trocha wyrownała, ale sztyjc trza dować pozōr ze zadku.

80 min. – Tera szlag Olkowskigo. Kieby bal odbiōł sie od zola kōnsek bliżyj Skaba miołby biyda to chycić.

79 min. – Kōntra Górnika, ale Legia juz zdōnżyła wrōcić.

77 min. – Z kożdego placu na boisku klupiōm tera na bramka Górnika gospodorze.

76 min. – Ojamaa wloz jak w masło fōrt pod piōnty meter od bramki, ale obrōna zaś lepszo.

75 min. – Brzyski tak fōmlowoł, że sōm sie w tym patraciōł. Bal na ausie.

74 min. – Urban wkldzo na boisko Helio Pinto. Na ławce już zicnōł se Furman.

73 min. – Szlag Brzyskigo i dobitka Radovicia. Zaś sie zamloło.

72 min. – I zaś zmiana w Górniku. Iwan za Sobolewskigo.

71 min. – Obalōny Małkowski. Goście wkludzajōm bal do gry ze swojij połowy.

69 min. – Radović wkrynco w zol obrōńcōw Górnika w ich szesnostce, ale bydzie z tego yno rōg.

68 min. – Gancarczyk włazi za Augustyna. Fyrlo tera coroz bardzij w składzie Nawałka. Staro sie obudzić swojo drużyna jak yno sie do.

67 min. – Chocioz tera dobrze fechtnōł sie Kosznik. Jes dograni do srodka, ale ni mo kto tego zawrzeć.

66 min. – Straciōł tera Górnik pōmysł na gra z przōdku…

65 min. – Długo akcja Legii zakōńczōno mocnym szlagiym Radovicia. Wele słupka.

63 min. – Górnik w kōńcu wyłazi ze swojij połowy.

62 min. – Madej może już ciś sie kōmpać. Za niego włazi Małkowski.

61 min. – Brzyski klupnōł w mur.

61 min -. Nakoulma fauluje pora cyntymetrōw przed liniōm szesnostego metra.

60 min – Praje do swojij bramki bal wraziōł jedyn z obrōńcōw Górnika!

58 min. – Sztyjc bajzel w obrōnie gości. Vrdoljak mioł już praje pusto brama. Do szlagu na szczynści niy doszło. W wielkim miszōngu kierys to  jednak wybiōł.

57 min. – Niypewnie gro tera defynsywa Górnika.

55 min. – Strata Górnika. Za spokojnie klepali se w obrōnie. Na szczynści nic groźnego sie z tego niy złōnaczyło.

53 min. – Cyntralnie w gymba  balym dostoł Vrdoljak. Leży…

52 min. – W dwóch ciepli sie na Rzeźniczaka Grubiorze. Tyn jednak poradziōł utrzimac sie przi balu i zrobic ,,wyjazd”

50 min. – Ojamaa zawalōł dobro akcjo Legii. Steinbors chycioł pewnie jego dograni do środka.

48 min. – Krōtko rozegrany rōg w porze Mączyński-Prezes. Z cyntry nic jednak ni ma.

47 min. – Wysoko atakuje obrōńcy Legii Nakoulma. Trocha musioł go wylynkać. Rozfechtowany Prezes to pierōnowe zagrożyni do przeciwnika.

46 min. – Nazot na murawie. Jadymy z tym światym…

Kōnsek chwili na analiza powtórek… Widzymy jeszcze roz jak Ojamaa odbijo sie jak ping-pōng od obrōńcy Górnika i lygo w szesnostce jak paniczka. Jo by samek elwra na pewno niy gwizdnōł…

Kōniec piyrszej połowy. Szpil rychtyk może sie podobać. Szkoda yno tego elwra…

45 +2  – Elegancko bal na klata przijmuje… Nawałka. Tryner pokozoł, że zno sie na swojij robocie niy yno w teorii.

45 +1 – Sobolewski zagrywo w uliczka. Kieby bal trefiōł do Zachary byłoby rychtyk ciekawie.

45 min. – Syndzia dociepuje jeszcze 2 minuty w gratisie.

43 min. – Na razie 11 fauli Górnika przi trzech Legii. Synki z Zabrzo niy oszczyndzajōm rywala.

40 min. – Furman straciōł bal w środku pola jak bajtel, kiery piyrszo roz gro we fusbal. Skuli tego Mączyński znod sie w dobrej sytuacji i bōł blisko klupniyncio gola, ale bal pofurgnōł nad latōm.

40 min. – Blisko do sia podłazōm tera fusbalyry obu ekip

39 min. – Po rogu Legii od bramki zaczyno Steinbors.

38 min. – Nakoulma dostoł kartka za wybici bala po gwizdku, ale po akcji dugoł go tyż Brzyski. Tymu chopowi karteczka tyż by sie noleżała.

36 min. – Z placu gry śloz kōntuzjowany Kosecki. Na wartko szczewiki musioł obuwać Żyro.

35 min. – Wartko odmiynio sie sam sytuacjo. Faul, po kierym arbiter pokozoł na wopno bōł przinajmij wōntpliwy…

34 min. – Vrdoljak pewnie trefio na 1:1

33 min. – Elwer do Legii i kartka do Przybylskigo!

31 min. – Mōndrze zachowoł sie Sobol. Spokojnie zareagowoł na pretynsje Radovicia, czym jeszcze bardzij go poszterowoł. Radovic tyż dostowo kartka.

31 min. – Sobolewski zatrzimoł kōntra Radovicia. Żōłto kartka bez godki…

30 min. – Górnik z wolnego. Legia miała biyda tera wylyź spod swojij bramki. Dobrze wysoko wyłazi na presa Górnik.

28 min. – W stylu Prezesa w szesnostka próbowoł wlyź Ojamaa. To jednak ni ma to…

Elegancko zafyrloł balym Nakoulma. Żodyn niy poradziōł zatrzimać rozfechtowanego Prezesa. Bal w kōńcu trefiōł do Madeja, kiery technicznym szlagiym z wele 12 metra wycylowoł w sōm winkel.

24 min. – Madej wrażo bal do siatki 0:1!

23 min. – Olkowski obalōny pod szesnostkōm gospodorzy. Tym razym ni ma faulu.

22 min. – Zaś faule. Na zolu przody Vrdoljak, niyskorzij Radović.

20 min. – Szlag Ojaamy leci wele słupka. Legia zaczyno mieć coroz wiyncyj do godki.

19 min. – Tera dobrze fechtnōł sie na lewej Kosecki. Na szczynści ta akcjo Legii kōnczy sie darymnōm cyntrōm Brzyskigo. Torman zaczyno z piōntego metra.

17 min. – Kosecki wyciynty rowno z zolym. Ostro jak pierōn, ale sztyjc bez kartek.

16 min. – Przybylski lygo na zol po tym jak przi próbie wybicio bala szkopyrtkōm, przitrzimywoł go Legiōnista. Faul.

15 min. – Dobry prostopadły bal do Zachary, ale syndzia przerywo gra. Bezmała kaś był faul…

13 min. – Radović oddowo szlag. Bal w trybunach.

12 min. – Zdo sie, że na razie bardzij szarpiōm ,,Grubiorze”

11 min. – Po cyntrze Brzyskigo z wolnego i małym miszōngu w szesnostce Górnika na spolōnym znod sie Jodłowiec.

9 min. – Kosznik chyto przeciwnik i jes faul. Na razie syndzia niy szuko kartek po kapsie…

7 min. – W odpowiedzi kōntra Nakoulmy zakōnczōno szlagiym ,,Pōnbōczkowi w łokno”

6 min. – Furman zagrywo długi bal z wolnego. Bal furgnie z głymboko. Torman pewnie chyto.

5 min. – Skaba przecino cyntra Kokoszki. Było groźnie. Tamek za nim juz yno czekoł na bala Zachara.

3 min. – Tera Olkowski elegancko wywalczōł se niezły kōnsek wolnego placu w szesnostce Legii, ale jego dograni do środka niczego niy prziniōsło.

2 min. – Górnik próbuje przecis sie pod bramka gospodorzy prawōm strōnōm.

1 min. – Przybylski podowo do Nakoulmy i zaczyno sie 111. szpil Górnika z Legiōm. Historio zobowiōnzuje. Trza sam dzisio pokozać klasa…

Tak jak już spōminołech w zapowiedzi. Szpile Górnika z Legiōm nigdy niy sōm o ,,czopka  śliwek”. Dzisio dodatkowo grōmy o plac lidera…

17:58 Fusbaliści obu ekip gynał wyłażōm na murawa stadiōnu w Warszawie

Składy:

Legia: Wojciech Skaba, Łukasz Broź, Jakub Rzeźniczak, Tomasz Jodłowiec, Tomasz Brzyski, Henrik Ojamaa, Ivica Vrdoljak, Dominik Furman, Miroslav Radović, Jakub Kosecki, Marek Saganowski

Górnik: Pāvels Šteinbors, Paweł Olkowski, Błażej Augustyn, Oleksandr Szeweluchin, Rafał Kosznik, Prejuce Nakoulma, Radosław Sobolewski, Krzysztof Mączyński, Mariusz Przybylski, Łukasz Madej, Mateusz Zachara

Syndzia: Daniel Stefański (Bydgoszcz)

Legia vs Górnik! Zaproszōm fest na relacjo na żywo z szpilu, kiery bez godki jes szlagrym tej kolejki. Dejcie pozōr zaczynōmy już pora minut przed godzinōm 6…

Już hneda, w nojbliższy piōntek szykuje nōm sie rychtyk ciekawe fusbalowe świynto, jakim do wszyjskich ślōnskich kibicōw bydōm 99. ligowe Wielki Derby Ślōnska.

Spōmnymy yno, że w ostatnich 98 szpilach Ruchu z Górnikiym 39. razy wygrywali synki z Zabrzo a 26. razy lepsi byli ich kamraci po fachu z Chorzowa. W 33. spotkaniach kōmpletu punktōw niy zgarnyła żodno z ekip.

Teroski lekkim faworytym zdowajōm sie być gospodorze. Na dyć to Górnik po sztyrech szpilach z dziesiynciōma punktami kludzi w ekstraklasowej tabeli. Ruch mo o połowa mynij oczek i jes na 9. placu. W ostatnij kolejce to jednak ōni jako piyrsi w tym sezōnie klupli warszawskij Legii (2:1 u sia). Bez tego Górnik niy wyłaziōłby na piōntkowe derby jako lider.

Mōmy nadziejo, że szportowych emocji niy braknie, a na trybunach atmosfera bydzie piknikowo, ale niy plażowo, jak przi ostatnij zabawie chorzowskich ,,gringos” i ich ,,amigos” z Meksyku.

Tōż zaproszōmy w piōntkowy wieczōr na dziennikzachodni.pl, kaj już chwila przed godzinōm 20:30 ekstra dlo wos zacznymy relacjonować szpil minuta po minucie. Yno tukej bydziecie mōgli przeczytać ślōnskojynzyczno relacjo na żywo z tego spotkanio.